एन आई सी एशिया बैंकद्वारास्वास्थ्य चौकी र विद्यालयलाई सहयोग प्रदान

काठमाडौं : एन आई सी एशिया बैंकले आफ्नो संस्थागत सामाजिक उत्तरदायित्व अन्तर्गत फलेवास नगरपालिका–४, पर्वतस्थित मुडिकुवा स्वास्थ्य चौकी, जयनगर, बारबर्दिया नगरपालिका–६, बर्दियास्थित श्री अंशुवर्मा माध्यमिक विद्यालय र चन्दननाथ नगरपालिका–१, जुम्लास्थित श्री मालिका आधारभूत विद्यालयमा सहयोग प्रदान गरेको छ।

बैंकले ग्रामीण क्षेत्रका वासिन्दाहरुलाई स्वास्थ्य सेवा उपलब्ध गराइरहेको मुडिकुवा स्वास्थ्य चौकीलाई बिरामी उपचारमा आवश्यक पर्ने Needle Cutter and Needle Burner, Wheel Chair, OPD Bed, BP Set, Stadiometer, Screen, Foot Steps, Peri Light, Fetal Doppler, Stainless Steel Waiting Chair, Water Dispenser जस्ता स्वास्थ्य उपकरण तथा सामग्रीहरु उपलब्ध गराएको छ । भाद्र २५ गते एक विशेष कार्यक्रमका बीच बैंकका पोखरा सर्कल हेड स्वेता शेरचन तुलाचन र न्युरोड पोखरा शाखा प्रमुख विजय चापागाईंले स्वास्थ्य चौकी इन्चार्ज दुर्गा बहादुर थापा र उक्त वडाका अध्यक्ष अच्यूत तिवारीलाई संयुक्त रुपमा उक्त सहयोग सामग्री हस्तान्तरण गरेका हुन्।