गाउँमै स्वास्थ्य सेवा पाएपछि स्थानीय खुसी

धनगढी । कैलालीको कैलारी गाउँपालिका–५ बैजपुरमा १५ शय्याको कैलारी आधारभूत अस्पताल सञ्चालनमा आएपछि स्थानीयवासी खुसी भएका छन्।

अस्पताल सञ्चालनमा आएसँगै सामान्य स्वास्थ्य समस्या देखिँदा समेत उपचारका लागि गाउँपालिकाबाहिर जानुपर्ने बाध्यता अन्त्य भएको स्थानीयको भनाइ छ। गाउँमै स्वास्थ्य सेवा उपलब्ध भएपछि उपचारका लागि धनगढी लगायतका सहरमा धाउनुपर्ने समय र खर्च दुवै जोगिएको उनीहरू बताउँछन्।