रुसी–युक्रेनी आक्रमणमा १० जना घाइते

रुस र युक्रेनबीच भएका पछिल्ला पारस्परिक आक्रमणमा कम्तीमा १० जना घाइते भएका छन्। आक्रमणबाट दुवै देशमा आवासीय भवन तथा नागरिक र औद्योगिक पूर्वाधारमा क्षति पुगेको सम्बन्धित अधिकारीहरूले जनाएका छन्।

युक्रेनी अधिकारीहरूका अनुसार रुसी हवाई आक्रमणमा किएभस्थित नौतले आवासीय भवनमा क्षति पुग्दा आठ जना घाइते भएका छन्। अमेरिकी राष्ट्रपति डोनाल्ड ट्रम्पका दूतहरूले युद्ध अन्त्य गर्ने प्रयासस्वरूप मस्को र किएभ भ्रमण गरेपछि केही समय रोकिएको रुसी हवाई आक्रमण यसै साता किएभमा पुनः तीव्र भएको छ।