अस्पताल बाहिर प्रसूति घटना : बयान लिने काम सकियो, छिट्टै प्रतिवेदन तयार गरिने

काठमाडौँ। सप्तरीको राजविराजस्थित गजेन्द्र नारायण सिंह अस्पतालको परिसरबाहिर एक महिलाले शिशु जन्माएको घटनामा बयान लिने काम सकिएको छ ।

घटनाको स्थलगत छानबिनका लागि गएको टोलीले ड्युटीमा खटिएकाहरूसँग शुक्रबार बयान लिएको हो । नेपाल मेडिकल काउन्सिलका रजिस्ट्रार डा.सुप्रभात श्रेष्ठले अस्पतालमा भएको घटनाको स्थलगत निरीक्षण तथा ड्युटीमा रहेका नर्सिङ स्टाफ, निमित्त मेडिकल सुपरिटेन्डेन्ट (मेसु) लगायत घटनासँग जोडिएका सम्पूर्ण व्यक्तिहरूसँग बकपत्र तथा बयान लिइएको बताए ।