प्रिन्सेस डायनाको ‘रेभेन्ज ड्रेस’ लिलामीमा राखिँदै

काठमाडौं । दिवंगत बेलायती प्रिन्सेस डायनाले लगाएको चर्चित ‘रेभेन्ज ड्रेस’ लिलामीमा राखिने भएको छ ।

वेल्सकी तत्कालीन प्रिन्सेस डायनाले कालो रेशमी स्ट्र्यापलेस साँझको पोसाक सन् १९९४ मा लन्डनमा आयोजित एक कार्यक्रममा लगाएकी थिइन् । त्यसको केही घण्टाअघि उनका तत्कालीन अलग्गिएका पति राजकुमार चार्ल्सले वैवाहिक सम्बन्धका क्रममा आफूले परस्त्रीसँग सम्बन्ध राखेको स्वीकार गरेका थिए ।