अस्पताल परिसरबाहिर महिलाले बच्चा जन्माएको घटनापछि ६ कर्मचारी कामकाजबाट हटाइए

गजेन्द्र नारायण सिंह अस्पताल राजविराजले अस्पताल परिसरको मूल गेटबाहिर महिलाले बच्चा जन्माएको घटनामा संलग्न भएको भन्दै ६ कर्मचारीलाई कामकाजबाट हटाएको छ।

अस्पतालले शुक्रबार जारी गरेको पत्रमार्फत डा. उषा देव, स्टाफ नर्स मनिषा कुमारी साह, स्टाफ नर्स सजन चौधरी, कार्यालय सहयोगी रेणु ठाकुर, स्वीपर कृष्णा मेहतर र सुरक्षा गार्ड देवकान्त झालाई अर्को व्यवस्था नभएसम्मका लागि कामकाजबाट हटाएको हो।