भक्तपुरमा नेपाल, चीन र जर्मनीबीच सांस्कृतिक आदानप्रदान

भक्तपुरमा नेपाल, चीन र जर्मनीबीच सांस्कृतिक आदानप्रदान कार्यक्रम आयोजना गरिएको छ। कार्यक्रममा तीन देशका कला, संस्कृति, भाषा, परम्परा तथा असल रीतिरिवाज झल्काउने विविध सांस्कृतिक प्रस्तुति प्रस्तुत गरिएका थिए।

एभरेस्ट इङ्लिस स्कुल, मिवाछें, व्यासी, भक्तपुरले आयोजना गरेको कार्यक्रममा विद्यार्थीहरूले नेपाली, चिनियाँ तथा जर्मन संस्कृति झल्काउने गीत, नृत्य, कला र अन्य सांस्कृतिक प्रस्तुति दिएका थिए। प्रस्तुतिमार्फत विद्यार्थी तथा सहभागीले तीनै देशका मौलिक संस्कृति, परम्परा र जीवनशैलीबारे जानकारी लिने अवसर पाएका थिए।