गुजरातलाई ९२ रनले हराउँदै बैंगलोर लगातार दोस्रो पटक आईपीएलको फाइनलमा

काठमाडौँ । साविक विजेता रोयल च्यालेन्जर्स बैंगलोर (आरसिबी) ले गुजरात टाइटन्सलाई ९२ रनले हराउँदै लगातार दोस्रो पटक इन्डियन प्रिमियर लिग (आईपीएल)को फाइनलमा स्थान बनाएको छ।

आरसिबीले कप्तान रजत पाटीदारको विस्फोटक इनिङ्सको मद्दतमा २० ओभरमा पाँच विकेट गुमाएर २५४ रन बनाएको थियो। जवाफमा गुजरात १९।३ ओभरमा १६२ रनमै अलआउट भयो।