दुबईमा व्यक्तिगत भिसा प्रमाणीकरणमा कडाइ : अब यी ५ अवस्थामा मात्रै पाइने भयो अनुमति

काठमाडौँ । व्यक्तिगत भिसामा संयुक्त अरब इमिरेट्स (यूएई) आउने नेपाली कामदारहरू अलपत्र पर्ने र विभिन्न समस्यामा फस्ने क्रम बढेपछि नेपाली महावाणिज्यदूतावास दुबईले भिसा प्रमाणीकरण प्रक्रियामा कडाइ गरेको छ।

व्यक्तिगत भिसामा आउने कामदारहरू भित्र्याउने कतिपय कम्पनीहरूको विश्वसनीयता नदेखिएको, कामदार यूएई आइसकेपछि भिसा, इमिरेट्स कार्ड तथा बिमा सम्बन्धी व्यवस्था कार्यान्वयन गर्न कम्पनीहरू जिम्मेवार नभएको पाइएको छ।