‘जाइन्ट किलर’ ले इतिहास रच्दा विश्वकपकै सबैभन्दा भावुक क्षण बन्यो

काठमाडौँ । फिफा विश्वकप २०२६ मा एउटा यस्तो कथा कोरिएको छ, जसलाई फुटबल इतिहासकै सबैभन्दा ठूलो आश्चर्य मानिएको छ । एटलान्टिक महासागरका १० वटा साना टापुहरूको समूह र जम्मा ५ लाख २५ हजार जनसंख्या भएको केप भर्डेले आफ्नो पहिलो विश्वकप सहभागितामै नकआउट चरणमा पुगेर अभूतपूर्व इतिहास रचेको छ।

विश्वकपको इतिहासमा नकआउट चरण पुग्ने यो अहिलेसम्मकै सबैभन्दा सानो राष्ट्र हो। साउदी अरेबियासँगको अन्तिम खेल गोलरहित बराबरीमा सकिएपछि केप भर्डेका खेलाडीहरू मैदानमै मोबाइल फोनको वरिपरि झुम्मिएका थिए। उनीहरू अर्को रंगशालामा भइरहेको स्पेन र उरुग्वेबीचको खेलको नतिजा कुरिरहेका थिए।