एसीसी प्रिमियर कपको फाइनल खेल आज : उपाधिका लागि यूएईसँग भिड्दै नेपाल

काठमाडौँ- मलेसियामा जारी तेस्रो संस्करणको एसीसी प्रिमियर कपको फाइनल खेल आज हुँदैछ। आज नेपाली समयअनुसार ७ः१५ देखि सुरु हुने फाइनल खेलमा युनाइटेड अरब इमिरेट्स (यूएई) र नेपाल लगातार दोस्रोपटक भिड्दैछन्। आजको खेलमा जो विजयी हुन्छ, ऊ आगामी एसिया कपमा सहभागी हुन पाउने छ।

नेपाल सन् २०२३ मा घरेलु मैदानमा आयोजना भएको ५० ओभरको एसीसी प्रिमियर कप च्याम्पियन टोली थियो। सन् २०२४ मा आयोजना भएको प्रिमियर कप टी–२० फम्र्याटमा खेलाइएको थियो। समूह चरणको ए समूहमा परेको नेपाल एक हार र दुई जितसहित सेमिफाइनल पुगेको थियो भने यूएई हालसम्म अपराजित छ।