रुसले नयाँ इबोलाविरुद्ध खोप विकास गरेको दाबी

रुसले इबोला भाइरस विरुद्ध खोप विकास गरेको दाबी गरेको छ। यो खोप विशेष गरी कङ्गो र युगान्डामा फैलिरहेको दुर्लभ ‘बुन्डीबुग्यो’ इबोला स्ट्रेनलाई लक्षित गरेर तयार गरिएको बताइएको छ।

दक्षिण अफ्रिकास्थित रुसी दूतावासका अनुसार रुसी वैज्ञानिकहरूले विकास गरेको उक्त खोपले देखिएको बुन्डीबुग्यो स्ट्रेनबाट समेत सुरक्षा दिन सक्ने सम्भावना रहेको छ। रुसी स्वास्थ्य मन्त्री मिखाइल मुराश्कोलाई उद्धृत गर्दै दूतावासले वैज्ञानिकहरूले इबोला भाइरसको नयाँ स्वरूप विरुद्ध प्रभावकारी खोप तयार गरेको अन्तराष्ट्रिय समाचार संस्था एएनआईले उल्लेख गरेको छ।