इजरायलमा २३ सय नेपाली कामदारका लागि रोजगारीको अवसर, यसरी अनलाइनबाटै दिनुहोस् आवेदन

काठमाडौं । वैदेशिक रोजगारीका लागि आकर्षक तथा सुरक्षित गन्तव्यका रूपमा चिनिएको इजरायलले नेपाली कामदारका लागि ठूलो अवसर खुलाएको छ । नेपाल र इजरायल सरकारबीच भएको द्विपक्षीय श्रम सम्झौताअनुसार इजरायलका दीर्घकालीन स्याहार केन्द्र (लङ टर्म केयर सेन्टर) मा सहायक कामदार (केयरगिभर) का रूपमा काम गर्न २ हजार ३ सय नेपाली कामदारको माग गरिएको हो ।

वैदेशिक रोजगार विभागले बुधबार सार्वजनिक सूचना जारी गर्दै कुल मागमध्ये ६० प्रतिशत अर्थात् १ हजार ३ सय ८० जना महिला तथा ४० प्रतिशत अर्थात् ९ सय २० जना पुरुष कामदार छनोट गरिने जनाएको छ ।