महाभारत ज्ञानमाला : युवावस्थामै सिंहासन त्याग- राजा पाण्डु किन बने वनवासी ?

महाभारतको आदिपर्वमा महाराज पाण्डुको जीवनवृत्तसम्बन्धी एउटा मार्मिक प्रसङ्ग आएको छ । उनी नियोग प्रथाअनुसार महर्षि व्यासजीको तर्फबाट जन्मेका कुरुवंशका प्रतिनिधि हुन्, जसलाई स्वर्गवासी राजा विचित्रवीर्यका कान्छी महारानी अम्बालिकाले जन्म दिएकी थिइन् ।

जन्मत: सोही विधिअनुसार विचित्रवीर्यका जेठी महारानी अम्बिकाका तर्फबाट जन्मेका धृतराष्ट्र उनीभन्दा जेठा हुन् । तथापि धृतराष्ट्र जन्मँदै नेत्रहीन भएकाले हस्तिनापुर राजघरानाको तर्फबाट उनी नै विचित्रवीर्यका उत्तराधिकारी घोषित भएका थिए ।