एशियाली खेलकुद छनोट: पूजा महतोको अर्धशतकमा नेपालद्वारा चीनसामु १२६ रनको लक्ष्य

मलेसियाको बायोमास ओभल क्रिकेट मैदानमा जारी एशियाली खेलकुद महिला क्रिकेट छनोट खेलमा नेपालले चीनलाई जितका लागि १२६ रनको बलियो लक्ष्य प्रस्तुत गरेको छ।

टस जितेर पहिले ब्याटिङ रोजेको नेपालले निर्धारित २० ओभरमा ५ विकेट गुमाउँदै १२५ रनको सम्मानजनक योगफल तयार पारेको हो। नेपालका लागि पूजा महतोले सम्हालिएको ब्याटिङ गर्दै ५७ बलमा ६३ रनको शानदार अर्धशतकीय इनिङ खेलिन्।