कैदीहरूबाट रकम असुलेको आरोपमा अभिषेक गिरी पक्राउ

मोरङ कारागारका कैदीबन्दीहरुबाट असुली गरेको अभियोगमा विराटनगरका अभिषेक गिरी पक्राउ परेका छन्। उनलाई शनिबार बिहान विराटनगर–८ स्थित उनकै घरबाट मोरङ प्रहरीले पक्राउ गरेको हो।

मोरङ प्रहरीले दिएको जानकारी अनुसार उनको घरमा प्रहरीले बिहानै छापा मारेको थियो। घरमा खानतलासीका क्रममा केही नभेटिए पनि अनुसन्धानका लागि पक्राउ गरिएको प्रहरी भनाइ छ।