प्रहरीको कल्याणकारी कोष थन्कियो, तलब काटियो

काठमाडौं । भोटेकोशी बाढी प्रभावित क्षेत्रमा अहिले हजारौँ सुरक्षाकर्मीहरू दिनरात उद्धारमा खटिइरहेका छन् । तर, जीवन जोखिममा पारेर खटिएका ती सुरक्षाकर्मीहरूसँग न त आधारभूत उद्धार उपकरण छन्, न त पेटभरि खान सक्ने अवस्था नै । यस्तो विषम परिस्थितिमा उनीहरूलाई प्रोत्साहन गर्नुको साटो पारिश्रमिक काटेर राहत कोषमा रकम जम्मा गर्ने निर्णय गरिएको छ ।

प्रहरी प्रधान कार्यालयले भोटेकोशी बाढी पहिरो प्रभावितको राहत तथा उद्धारका लागि प्रधानमन्त्री दैवी प्रकोप उद्धार कोषमा ४० करोड रुपैयाँ जम्मा गर्ने निर्णय गर्यो ।