तपाईँलाई कस्तो लाग्यो जिमेल, ड्राइभ, क्यालेन्डरसहितका गुगल वर्कस्पेस एपहरूको नयाँ लोगो डिजाइन ?

काठमाडौँ । गुगलले आफ्ना लोकप्रिय गुगल वर्कस्पेस एपहरूको आइकनमा व्यापक हेरफेर गर्दै नयाँ र आधुनिक भिजुअल पहिचान सार्वजनिक गरेको छ । कम्पनीका अनुसार यो नयाँ डिजाइनले प्रत्येक एपलाई एक विशिष्ट पहिचान दिनुका साथै जेमनाई युग (Gemini Era) का लागि उपयुक्त र साहसी स्वरूप प्रदान गरेको छ ।

यो नयाँ स्वरूपले गुगलका उत्पादनहरूमा एकरूपता ल्याउने लक्ष्य राखेको छ । नयाँ डिजाइनका क्रममा डक्स, शिट्स, स्लाइड्स, किप, फर्म्स, साइट्स र भिड्स जस्ता एपहरूमा पहिले प्रयोग हुँदै आएको कागजको टुक्रा जस्तो ब्याकग्राउन्ड हटाइएको छ ।