अर्थतन्त्रमा घरजग्गा क्षेत्रको योगदान ८ प्रतिशत, मूल्य अभिवृद्धि २.६९ प्रतिशतले बढ्ने अनुमान

काठमाडौँ । चालू आर्थिक वर्षमा सरकारले कुल गार्हस्थ्य उत्पादन (जीडीपी) मा घरजग्गा कारोबार क्षेत्रको योगदान ८ प्रतिशतभन्दा माथि रहने अनुमान गरेको छ । अर्थमन्त्री डा.स्वर्णिम वाग्लेले बुधवार सार्वजनिक गरेको चालु आर्थिक वर्ष २०८२/८३ को आर्थिक सर्वेक्षणमा यस्तो अनुमान गरिएको हो । सर्वेक्षण अनुसार समग्र अर्थतन्त्रमा यस क्षेत्रको हिस्सा महत्त्वपूर्ण देखिएको छ ।

चालु आर्थिक वर्षमा घरजग्गा कारोबार सेवा क्षेत्रको मूल्य अभिवृद्धि २.६९ प्रतिशतले बढ्ने अनुमान छ । गत आर्थिक वर्षमा यस क्षेत्रको कुल मूल्य अभिवृद्धि २.७७ प्रतिशतले बढेको थियो । गत वर्षको तुलनामा वृद्धिदरमा सामान्य कमी आए पनि समग्रमा सकारात्मक अवस्था छ ।