इंग्ल्यान्डलाई स्तब्ध पार्ने रजाउल्लाहको ‘रजबाल’

पाकिस्तानका २१ वर्षीय तीव्र गतिका बलर रजाउल्लाहले टेस्ट डेब्युमा गरेको विस्फोटक ब्याटिङले इंग्ल्यान्डविरुद्धको तेस्रो टेस्टलाई रोमाञ्चक मोडमा पुर्‍याएको छ। एक समय सहज जिततर्फ अघि बढेको इंग्ल्यान्डलाई रजाउल्लाहले आक्रामक ब्याटिङ गर्दै रोकिदिएपछि शनिबार पनि एजबास्टनमा खेल जारी रहने भएको छ।

पाकिस्तान ३१८ रनमा ८ विकेट गुमाएर हारको संघारमा पुगेका बेला नवौँ नम्बरमा ब्याटिङ गर्न आएका रजाउल्लाहले केवल ६३ बलमा ८१ रनको सनसनीपूर्ण इनिङ खेले। उनले ९ छक्का प्रहार गर्दै इंग्ल्यान्डका बलरमाथि लगातार आक्रमण गरे।