१७ दिनदेखि श्रीमानको पर्खाइमा पूजा, बेपत्ता इन्जिनियर अजयको खोजीमा सरकारसँग हारगुहार

भदौ १० गते भोटेकोशी नदीमा आएको विनाशकारी बाढीपछि रसुवास्थित माथिल्लो त्रिशूली–१ जलविद्युत आयोजनामा कार्यरत इन्जिनियर अजयप्रसाद सिंह बेपत्ता भएपछि उनकी श्रीमती पूजा शाह १७ दिनदेखि श्रीमानको पर्खाइमा छिन्।

धनुषाको कमला नगरपालिका–६ का ३० वर्षीय अजय २१६ मेगावाट क्षमताको माथिल्लो त्रिशूली–१ जलविद्युत आयोजनामा कार्यरत थिए। बाढी आएपछि उनी सम्पर्कविहीन भएका हुन्।