बाढीले बगाएका शवको डीएनए परीक्षण यसरी गरिँदै छ, समय कति लाग्ला

भोटेकोशी-त्रिशूली बाढीपछि विभिन्न स्थानमा फेला परेर पहिचान हुन नसकेका शव र बाढीपछि बेपत्ता भएका मानिसहरूको आफन्तको गरी करिब तीन हजार भन्दा बढीको डीएनए परीक्षण गर्नुपर्ने देखिएको नेपाल प्रहरीले जनाएको छ।

प्रहरीको तथ्याङ्क अनुसार अहिलेसम्म मृतकको डीएनए नमुना १२८६ वटा निकालिएको छ भने शवको पहिचानका लागि परिवारबाट मागिएका १७१५ वटा नमुना सङ्कलन गरिएको छ।