एसियन वुमेन्स क्वालिफायर : पूजाको अर्धशतकमा चीनमाथि नेपालको जित

काठमाडौं —पूजा महतोको शानदार अर्धशतकको मद्दतले एसियन्स गेम्स वुमेन्स क्वालिफायर २०२६ मा नेपालले बुधबार चीनलाई १९ रनले पराजित गरेको छ ।

यससँगै छनोटको समूह ‘बी’ दुई अंक जोडेको छ र शीर्ष स्थानमा रह्‌यो । मलेसियाको क्वालालम्पुरमा भएको खेलमा चीनले जितका लागि १२६ रनको लक्ष्य पछ्याएको थियो । तर, उसले जवाफमा ५ विकेट गुमाएर १०६ रन मात्र बनाउन सक्यो । चीनका लागि कप्तान मिङयु चुले सर्वाधिक ३० रन बनाइन् ।