गैँडाकोटमा दुई बस एकआपसमा ठोक्किँदा १८ जना घाइते

नवलपरासी । नवलपरासी (पूर्व)को गैँडाकोट नगरपालिका–१२ हर्कपुरमा शनिबार बिहान दुई यात्रुवाहक बस एकआपसमा ठोक्किँदा १८ जना घाइते भएका छन् ।

पूर्व–पश्चिम राजमार्गअन्तर्गत हर्कपुरमा बिहान करिब ६.५० बजे नारायणगढबाट बुटवलतर्फ जाँदै गरेको लु २ ख ६४५७ नम्बरको बसलाई सोही दिशातर्फ गइरहेको लु २ ख ६०३६ नम्बरको बसले पछाडिबाट ठक्कर दिएको प्रहरीले जनाएको छ ।