युट्युब म्युजिकमा प्लेलिस्ट व्यवस्थापन सजिलो, गुगलले थप्यो नयाँ सर्टिङ फिचर

काठमाडौं । युट्युब प्रयोगकर्ताले अब आफ्ना प्लेलिस्टहरू अझ व्यवस्थित रूपमा मिलाउन सक्ने भएका छन् । लामो समयदेखि प्रयोगकर्ताले भोग्दै आएको प्लेलिस्ट व्यवस्थापनको झन्झट कम गर्न गुगलले नयाँ फिल्टर र सर्टिङ विकल्प सार्वजनिक गरेको हो ।

यसअघि युट्युब म्युजिकमा गीतहरू क्रम मिलाउन प्रयोगकर्ताले म्यानुअल रूपमा स्क्रोल गरेर तल माथि सार्नुपर्ने बाध्यता थियो । विशेष गरी लामो प्लेलिस्ट भएका प्रयोगकर्ताका लागि यो प्रक्रिया समय खपत हुने र झन्झटिलो मानिन्थ्यो । अब भने प्रयोगकर्ताले गीतको शीर्षक, कलाकार र एल्बमका आधारमा प्लेलिस्टलाई वर्णानुक्रम अनुसार सजिलै मिलाउन सक्नेछन् ।