दुई दिनदेखि बेपत्ता विवेक सरदारको शव सेफ्टी ट्याङ्कीमा फेला, चार जना पक्राउ

महोत्तरी । महोत्तरीको बलवा नगरपालिका ७ बनौटास्थित एक घरको सेफ्टी ट्याङ्कीभित्र युवकको शव टुक्रा–टुक्रा पारिएको अवस्थामा फेला परेको छ। भङ्गाहा नगरपालिका ६ बस्ने अशोक कुमार वातरका २२ वर्षीय छोरा विवेक कुमार सरदारको शव भेटिएको हो।

भदौ १४ गते साँझ जलेश्वर नगरपालिका ९ पिगौनास्थित दिदीको घरबाट मोटरसाइकलमा घरतर्फ फर्कने क्रममा विवेक बेपत्ता भएका थिए। छोरा हराएपछि मृतकका बुबाले भदौ १६ गते जिल्ला प्रहरी कार्यालय महोत्तरीमा हुलियासहित खोजतलासका लागि निवेदन दिएका थिए।