सल्यान जिप दुर्घटना : दुई जनाको मृत्यु, चार घाइते दाङ रिफर

सल्यान । सल्यानमा शनिबार बिहान भएको जिप दुर्घटनामा दुई जनाको मृत्यु भएको छ भने चार जना घाइते भएका छन्। घाइतेमध्ये दुई जनाको अवस्था गम्भीर रहेको प्रहरीले जनाएको छ।

मृत्यु हुनेमा त्रिवेणी गाउँपालिका–६ का ८ वर्षीय रेशम बुढाथोकी र त्रिवेणी गाउँपालिका–५ की १८ वर्षीया बिपना बुढाथोकी रहेका छन्। जिल्ला अस्पताल खलंगामा उपचारका क्रममा उनीहरूको मृत्यु भएको जिल्ला प्रहरी कार्यालय सल्यानका प्रमुख डिएसपी दीपक पातलीले जानकारी दिए।