सुदूरपश्चिममा भदौ अन्तिममा बजेट ल्याउने तयारी

धनगढी । सुदूरपश्चिम प्रदेश सरकारले यही भदौ अन्तिम साता बजेट ल्याउने तयारी गरेको छ ।

शनिबार (भदौ २७) बसेको सुदूरपश्चिम प्रदेश मन्त्रिपरिषद्को बैठकबाट बजेटको पुनरवलोकन, नवगठित सरकारले प्राथमिकतामा राखेका योजनासहित परिमार्जन गरेर पुनर्लेखन गर्न आर्थिक मामिला मन्त्रालयलाई जिम्मेवारी दिइएको सरकारका प्रवक्ता प्रकाश रावलले बताए । मुख्यमन्त्री खगराज भट्ट नेतृत्वको नवगठित सरकारले भदौ मसान्तभित्र बजेट ल्याउने तयारी गरेको हो ।