मानव अधिकार उल्लङ्घनमा दोषी ठहर गरिएका बहालवाला अधिकारीलाई कम्तीमा ६ महिना निलम्बन गर्न आयोगको सिफारिस

काठमाडौँ । राष्ट्रिय मानव अधिकार आयोगले गत भदौ २३ र २४ मा भएको जेनजी आन्दोलनका क्रममा मानव अधिकार उल्लङ्घनमा दोषी ठहर भएका विभिन्न अधिकारीलाई कम्तीमा ६ महिना निलम्बन गर्न सरकार समक्ष सिफारिस गरेको छ।

आयोगले बुधबार सार्वजनिक गरेको प्रतिवेदन अनुसार मानव अधिकार उल्लङ्घनकर्ता भनी तोकिएका व्यक्तिहरू हाल जहाँ, जुनसुकै सार्वजनिक पदमा रहेको भएता पनि कम्तीमा ६ महिना निलम्बन गरी मानव अधिकारको सम्मान तथा संरक्षण गर्नसमेत राष्ट्रिय मानव अधिकार आयोग ऐन २०६८ को दफा ४(१) (छ) बमोजिम सिफारिससहित निर्देशन दिन सरकारलाई सिफारिस गरेको छ ।