राज्यले सुरक्षाकर्मीलाई पर्याप्त स्रोत–साधन उपलब्ध नगराउँदा ठूलो क्षति - मानव अधिकार आयोग

मानव अधिकार आयोगले जेनजी आन्दोलनबारे तयार गरेको प्रतिवेदनमा राज्यले सुरक्षाकर्मीलाई पर्याप्त स्रोत–साधन उपलब्ध गराउन नसक्दा ठूलो क्षति भएको उल्लेख गरेको छ। आयोगका अनुसार आवश्यक उपकरणको अभावका कारण प्रहरी आफैं ज्यान जोगाउन भाग्नुपर्ने अवस्था सिर्जना भएको थियो।

प्रतिवेदनमा आन्दोलन माइतीघरबाट बबरमहलतर्फ अघि बढ्दै जाँदा व्यापक घुसपैठ भएको, साथै प्रहरी र प्रदर्शनकारीबीच लगातार झडप भएको उल्लेख छ। प्रदर्शनकारीहरूले लाठी, तीर, गुलेली लगायतका सामग्री प्रयोग गर्दै संसद भवनको पर्खालसमेत तोडफोड गरेको जनाइएको छ।