प्रधानमन्त्रीले मकालु–बरुणको पर्यटन सम्भावना उजागर गर्दै सार्वजनिक गरे १७ दिने ट्रेक योजना

काठमाडौं । पूर्वी नेपालको हिमाली पर्यटन प्रवर्द्धनमा नयाँ चर्चा थप्दै प्रधानमन्त्री बालेन्द्र शाह (बालेन) ले मकालु बेस क्याम्प ट्रेकको १७ दिने विस्तृत यात्रा तालिका सार्वजनिक गरेका छन्। सामाजिक सञ्जाल फेसबुकमार्फत भिडियोसहित ट्रेकको रुट सार्वजनिक गर्दै उनले मकालु–बरुण क्षेत्रलाई नेपालको अनुपम प्राकृतिक सम्पदामध्ये एकका रूपमा प्रस्तुत गरेका हुन्।

प्रधानमन्त्री शाहले आफ्नो सन्देशमा मकालु–बरुण उपत्यकालाई केवल हिमाल हेर्ने गन्तव्यका रूपमा मात्र नभई जैविक विविधता, हिमाली भू–दृश्य, वन्यजीवन, स्थानीय संस्कृति र साहसिक पर्यटनको संगमस्थलका रूपमा व्याख्या गरेका छन्। उनका अनुसार, पूर्वी नेपालको यो क्षेत्र अझै पनि तुलनात्मक रूपमा कम चर्चामा रहेकाले यसको व्यवस्थित प्रचार–प्रसारले नेपालको पर्यटन क्षेत्रमा नयाँ ऊर्जा थप्न सक्छ।