गैंडाकोटमा दुई बस ठोक्किँदा १८ जना घाइते

नवलपरासीको गैंडाकोटमा दुई बस एकआपसमा ठोक्किँदा १८ जना घाइते भएका छन्। शनिबार बिहान गैंडाकोट नगरपालिका १२, हर्कपुरस्थित पूर्व–पश्चिम राजमार्गमा दुर्घटना भएको हो।

नारायणगढबाट बुटवलतर्फ जाँदै गरेको लु२ ख ६४५७ नम्बरको बसलाई सोही दिशातर्फ आउँदै गरेको लु २ ख ६०३६ नम्बरको बसले पछाडिबाट ठक्कर दिएको प्रहरीले जनाएको छ। दुर्घटनामा दुवै बसमा सवार १८ जना घाइते भएका छन्। घाइते सबैलाई उपचारका लागि भरतपुर पठाइएको छ।