करिडोरका जलविद्युत आयोजनाका लागि विशेष प्याकेज ल्याउन कुलमानको माग

उज्यालो नेपाल पार्टीका अध्यक्ष कुलमान घिसिङले भोटेकोशी–त्रिशूली करिडोरमा बाढीबाट क्षतिग्रस्त जलविद्युत आयोजनाका लगानीकर्तालाई प्रोत्साहन गर्न सरकारले विशेष प्याकेज घोषणा गर्नुपर्ने बताएका छन्।

स्वतन्त्र ऊर्जा उत्पादकहरूको संस्था नेपाल (इप्पान) ले आयोजना गरेको कार्यक्रममा बोल्दै घिसिङले निजी क्षेत्रका जलविद्युत आयोजनामा भएको क्षतिलाई सम्बोधन गर्न नीतिगत, भन्सार छुट तथा विभिन्न सहुलियतसहितको प्याकेज ल्याउनुपर्ने बताएका हुन्।