भारतीय कुखुराको अवैध धन्दा: रौतहटका किसानको उठिबास, लाखौँको लगानी जोखिममा

​रौतहट ।

खुल्ला सीमाको फाइदा उठाउँदै भारतबाट दैनिक भइरहेको बोइलर कुखुराको तस्करीका कारण रौतहटका स्थानीय कुखुरापालक किसान तथा व्यवसायीहरू मर्कामा परेका छन्। स्थानीय प्रशासन र सुरक्षा निकायले तस्करी नियन्त्रणमा चासो नदेखाउँदा लाखौँको स्वदेशी लगानी डुब्ने स्थितिमा पुगेको हो। ​जिल्लाको रामपुरखाप, बंकुल, नरकटिया, खापघिउरा र मोतिपुर मट्सरी लगायतका सीमावर्ती नाकाबाट दैनिक सयौँ क्विन्टल भारतीय कुखुरा अवैध रूपमा नेपाल भित्र्याइने गरेको छ। बिचौलियाहरूले भारतबाट भित्र्याइएका कुखुरालाई सुरुमा नेपालकै फार्महरूमा राख्ने र पछि स्वदेशी उत्पादनको नक्कली बिल बनाएर बजारमा पठाउने संगठित धन्दानै चलाइरहेको जिल्ला कुखुरा व्यवसायिक किसान सङ्घले लगाएको छ ।