प्याब्सन ताप्लेजुङका संस्थापक अध्यक्ष पालुङ्वाको निधन

निजी तथा आवासीय विद्यालयहरूको छाता संस्था प्याब्सन ताप्लेजुङका संस्थापक अध्यक्ष तथा फुङलिङस्थित कञ्चनजंघा आवासीय माविका संस्थापक प्रिन्सिपल काजीमान पालुङ्वाको निधन भएको छ।

प्याब्सनका पूर्व केन्द्रीय सदस्य समेत रहेका पालुङ्वाको ६० वर्षको उमेरमा शनिबार बिहान १ बजे निधन भएको हो। फोक्सोको क्यान्सरबाट पीडित पालुङ्वा लामो समयदेखि काठमाडौंमा उपचाररत थिए।