आमाबुबासँग बस्दैनन् ६ लाख बच्चा

नेपालमा १८ वर्षमुनिका ६.८ प्रतिशत बालबालिका आफ्ना जैविक आमाबुबा वा दुवैमध्ये कुनै एकसँग नबसेको तथ्यांक सार्वजनिक भएको छ। राष्ट्रिय तथ्यांक कार्यालयका अनुसार नेपालमा १८ वर्षमुनिका बालबालिकाको संख्या करिब ९० लाख छ। जसमध्ये ६.८ प्रतिशत अर्थात् ६ लाख १२ हजार बालबालिका जन्मदिने आमाबुबासँग नबसेको तथ्यांक कार्यालयले शुक्रबार सार्वजनिक गरेको हो।

कार्यालयका निर्देशक पृथ्वी विजयराज सिजापतिले तथ्यांक सार्वजनिक गर्दै आमाबुवासँग नबस्ने बालबालिकाको सवालमा राज्य संवेदनशील बनेको र अन्तर्राष्ट्रिय मापदण्डसँग मेल खाने गरी त्यस्ता बालबालिकाको वैकल्पिक हेरचाहको व्यवस्था, वर्गीकरण र मापदण्ड बनाउने कार्य अघि बढाइएको बताए।