बूढानीलकण्ठ बन्यो राष्ट्रिय महिला बास्केटबलको च्याम्पियन

काठमाडौं । १०औँ राष्ट्रिय महिला खुला बास्केटबल प्रतियोगिताको उपाधि बूढानीलकण्ठ नगरपालिकाले जितेको छ । बूढानीलकण्ठ ग्रान्डी स्टार्सलाई ५०–३७ ले हराउँदै च्याम्पियन बनेको हो ।

सुरुआतदेखि नै खेलमा अग्रता लिएको बूढानीलकण्ठले हाफटाइमसम्म २७–१३ को फराकिलो अग्रता बनाएको थियो । ग्रान्डी स्टार्सले पुनरागमनको प्रयास गरे पनि सुरुआती अग्रता नै बूढानीलकण्ठको जितमा निर्णायक बन्यो । बूढानीलकण्ठले १३–६, १४–७, १३–१४ र १०–१० को प्रदर्शन गर्‍यो ।