डीडीसीमा छापा : अनियमितता र किसानको भुक्तानी रोकिएकोबारे सीआईबीको अनुसन्धान

काठमाडौँ । प्रहरीको केन्द्रीय अनुसन्धान ब्यूरो (सीआईबी)ले दूग्ध विकास संस्थान (डीडीसी)मा छापा मारेर महत्त्वपूर्ण कागजात नियन्त्रणमा लिएको छ । डीडीसीको लैनचौरस्थित केन्द्रीय कार्यालयमा ब्यूरोले छापा मारेर दूध खरिदबिक्री सम्बन्धी कागजात, ५ कर्मचारीको मोबाइल र पछिल्लो ३ वर्षको निर्णय सम्बन्धी कागजात जफत गरेको छ ।

सीआईबीका एसएसपी शिव कुमार श्रेष्ठले अनुसन्धानको क्रममा कागजात नियन्त्रणमा लिइएको बताए । उनले भने, ‘अनुसन्धानसँग जोडिएको आएको विवरणहरू लिएका हौँ, यो नियमित प्रक्रियामा काम भएको हो ।’