नेपाल–इजरायल सम्बन्ध थप सुदृढ बनाउन कानुनी सहकार्य विस्तारबारे छलफल

कानुन, न्याय तथा संसदीय मामिलामन्त्री सोविता गौतमसँग नेपालका लागि इजरायलका राजदूत श्मुलिक एरी बासले शिष्टाचार भेट गर्दै दुई देशबीचको सम्बन्धलाई थप मजबुत बनाउने विषयमा छलफल गरेका छन्।

भेटका क्रममा नेपाल र इजरायलबीच कूटनीतिक सम्बन्ध स्थापनाको ६६औँ वर्षको अवसरमा द्विपक्षीय सहकार्यलाई अझ प्रभावकारी बनाउने विषयमा विशेष चर्चा भएको थियो। दुई देशबीच विभिन्न क्षेत्रमा सहकार्य विस्तार गर्न आवश्यक कानुनी संरचना तथा दस्तावेज निर्माणमा समेत जोड दिइएको बताइएको छ।