पत्रकारिता लोकतन्त्रको मेरुदण्ड : प्रदेश प्रमुख मियाँ

सुदूरपश्चिम प्रदेश प्रमुख नजिर मियाँले लोकतन्त्रको स्थापना, संरक्षण र सुदृढीकरणमा पत्रकारिता क्षेत्रको भूमिका अत्यन्त महत्वपूर्ण रहेको बताउनुभएको छ ।

नेपाल पत्रकार महासंघ सुदूरपश्चिम प्रदेश समितिको पाँचौँ साधारणसभाको धनगढीमा उद्घाटन गर्दै प्रदेश प्रमुख मियाँले पत्रकारिता क्षेत्रले लोकतान्त्रिक मूल्य र मान्यतालाई संस्थागत गर्न योगदान पुर्‍याएको उल्लेख गर्नुभयो ।