हिन्दू मन्दिरमा आगो लगाउने धम्की दिनेमाथि कारबाही गर्न प्रधानमन्त्रीलाई ज्ञानेन्द्र शाहीको अपिल

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले हिन्दूहरूको मन्दिरमा आगो लगाउने धम्की दिने व्यक्तिमाथि तत्काल कानुनी कारबाही गर्न सरकारसँग माग गरेका छन्।

उनले सामाजिक सञ्जालमार्फत प्रतिक्रिया दिँदै कुनै एउटा समूह तथा सोही समूहका व्यक्तिले पत्रकार सम्मेलन गरेर हिन्दूहरूको मन्दिरमा आगो लगाउने सार्वजनिक धम्की दिएको उल्लेख गर्दै सरकार मौन बसेकोप्रति प्रश्न उठाएका छन्।