सिक्टा सिँचाइमा २४ अर्ब खर्चिएर आधा काम

बाँकेमा निर्माणाधीन राष्ट्रिय गौरवको सिक्टा सिँचाइ आयोजना आगामी पाँच वर्षभित्र सम्पन्न गर्ने गरी काम अघि बढाइएको छ। सरकारको निर्देशनअनुसार पछिल्लो समय निर्माण कार्यलाई तीव्रता दिइएको आयोजना कार्यालयले जनाएको छ।

आयोजनाका निर्देशक राजु आचार्यका अनुसार पर्याप्त बजेट र जनशक्तिको अभाव नभए अबको पाँच वर्षभित्र सम्पूर्ण पूर्वाधार निर्माणको काम सकिनेछ। हालसम्म आयोजनाको ५१ प्रतिशत भौतिक प्रगति भएको छ भने पूर्वाधार निर्माणतर्फ करिब २४ अर्ब रुपैयाँ खर्च भइसकेको छ।