रसुवा बाढीमा कालिकोटका ६ जना बेपत्ता

कालिकोट । रसुवामा आएको विनाशकारी बाढीपछि कालिकोटका ६ जना अझै बेपत्ता छन् । बाढीमा परेर बेपत्ता भएको १८ दिन बितिसक्दा पनि उनिहरुको अवस्था अज्ञात रहेको छ । अहिलेसम्म न उनीहरू जीवित रहेको खबर आएको छ, न त शव नै फेला परेको छ ।

बेपत्ता हुने हरुमा नरहरिनाथ गाउँपालिका–१, सोतरगाउँका अनिपाल विष्ट र धिरेन्द्र विष्ट रहेका छन्। त्यस्तै, खाँडाचक्र नगरपालिका–९ माइतीघर भई हाल खाँडाचक्र नगरपालिका–५ निवासी तथा रसुवाको टिमुरे स्वास्थ्य चौकीमा कार्यरत अनमी सरिता मल्ल, उनका तीन महिनाका छोरा काव्यांश शाही र उनकी नन्द दुर्गा शाही पनि बाढि आएको १८ दिन बित्दा पनी अझै सम्पर्क विहीन छन्।