भरतपुर धाउनुपर्ने बाध्यता हट्यो, कालिकाबाटै स्मार्ट लाइसेन्स वितरण सुरु

चितवन । सवारी चालक अनुमतिपत्रको स्मार्ट कार्ड लिन भरतपुर पुग्नुपर्ने कालिका नगरवासीको बाध्यता हटेको छ । कालिका नगरपालिकाले यातायात व्यवस्था कार्यालय भरतपुरसँगको सहकार्यमा नगरपालिकाको कार्यालयबाटै स्मार्ट कार्ड लाइसेन्स वितरण सुरु गरेको हो ।

यातायात व्यवस्था विभागबाट छपाइ भएर आएका स्मार्ट कार्ड अब सम्बन्धित सेवाग्राहीले कालिका नगरपालिकामार्फत प्राप्त गर्न सक्नेछन् । यससँगै लाइसेन्स लिनका लागि मात्र भरतपुर पुग्नुपर्ने समय र खर्च बचत हुने भएको छ ।