विश्वकपमा आज निर्णायक खेल, जर्मनी र स्विडेनलाई अन्तिम ३२ मा पुग्ने अवसर

लस एन्जलस। विश्वकप फुटबलअन्तर्गत शनिबारका खेलमा बलियो स्थितिमा रहेको जर्मनीले आइभरी कोस्टसँग प्रतिस्पर्धा गर्नेछ। स्विडेनले नेदरल्यान्ड्ससँग महत्त्वपूर्ण खेल खेल्नेछ। यी खेलको नतिजाले अन्तिम ३२ मा पुग्ने टोलीको टुंगो लाग्नेछ।

समूह ‘ई’ अन्तर्गत रहेको जर्मनीले आफ्नो पहिलो खेलमा विश्वकप खेलमा पहिलोपटक सहभागी भएको कुराकाओलाई ७-१ ले पराजित गरेको थियो। यदि जर्मनीले आइभरी कोस्टलाई पराजित गरी इक्वेडरले अर्को खेलमा जित निकाल्न असफल भए जर्मनी समूह विजेताका रूपमा अन्तिम ३२ मा प्रवेश गर्नेछ।