कनेक्ट आईपीएस ठगीको जालमा नफस्नुहोस्, यी लिंक र मेसेजबाट रहनू सावधान

काठमाडौं । कनेक्ट आईपीएस प्रयोगकर्तालाई लक्षित गरेर साइबर अपराधीहरूले ठगीको नयाँ प्रयास गरिरहेको पाइएको छ । नेपाल प्रहरीको साइबर ब्युरोले खाता रोक्का भएको वा असामान्य गतिविधि देखिएको भन्दै आउने शंकास्पद सन्देश र लिङ्कबाट सावधान रहन सर्वसाधारणलाई आग्रह गरेको छ ।

ब्युरोका अनुसार ठगीमा संलग्नहरूले प्रयोगकर्तालाई हतारमा निर्णय लिन बाध्य पार्ने उद्देश्यले मोबाइलमा विभिन्न प्रकारका एसएमएस पठाउने गरेका छन् । ‘खातामा असामान्य गतिविधि देखिएको’, ‘खाता अस्थायी रूपमा रोक्का गरिएको’ वा ‘खाता पुन: सञ्चालनका लागि प्रमाणीकरण आवश्यक रहेको’ जस्ता दाबी गरेर पठाइने सन्देश यसका उदाहरण हुन् ।