वार्षिकोत्सवमा नेपाल बैंकको रक्तदान कार्यक्रम

नेपाल बैंकले आफ्नो ८६औं वार्षिकोत्सवको अवसरमा काठमाडौंमा खुला रक्तदान कार्यक्रमको आयोजना गरेको छ । उक्त कार्यक्रमको बैंकका नायब प्रमुख कार्यकारी अधिकृत समता पन्तले उद्घाटन गरेकी थिइन् ।

उक्त रक्तदान कार्यक्रममा बैंकमा कार्यरत कर्मचारी, ग्राहक, सर्वसाधारण गरी १०५ जनाले रक्तदान गरेका थिए । नेपाल बैंक ३० कात्तिकमा ८६औं वर्षमा प्रवेश गर्दै छ । सोही अवसरमा बैंकले विभिन्न कार्यक्रमहरु आयोजना गरिरहेको छ ।

संस्थागत सामाजिक उत्तरदायित्वमा अग्रपंतिमा रहेर भूमिका निर्वाह गर्दै आएको बैंकले हरेक वर्ष वार्षिकोत्सवको अवसर पारेर खुल्ला रक्तदान कार्यक्रम आयोजना गर्दै आएको छ ।

नेपालभर २२६ शाखाहरु, १९९ एटीएम साथै ५० वटा एक्टेन्सन काउन्टरमार्फत करिब २३ लाख ग्राहकहरुलाई वित्तीय सेवा दिँदै आएको छ ।