वनएक्सबेटमा जुवा खेल्ने र बाइनान्समार्फत क्रिप्टो कारोबार गर्ने युवक पक्राउ

काठमाडौँ । अवैध अनलाइन सट्टेबाजी प्लेटफर्म वनएक्सबेटमार्फत जुवा खेलेको आरोपमा एक जना पक्राउ परेका छन् । पक्राउ पर्नेमा काठमाडौँ स्थायी घर भई हाल चितवन बस्दै आएका ३६ वर्षीय शिशिर गौतम रहेका छन् ।

इलाका प्रहरी कार्यालय टाँडीको टोलीले विशेष सूचनाका आधारमा मङ्गलबार दिउँसो करिब १ बजे बकुलहर चोकबाट उनलाई नियन्त्रणमा लिएको हो । जिल्ला प्रहरी कार्यालय चितवनका अनुसार गौतमले वनएक्सबेटमा जुवा खेल्ने र बाइनान्समार्फत क्रिप्टोकरेन्सी सञ्चित गरी अवैध कारोबार गर्ने गरेको सूचना प्राप्त भएको थियो ।