माधव नेपालको दाबी- सरकार र रास्वपाप्रति जनताको विश्वास कमजोर हुँदैछ

काठमाडौं । नेकपाका सहसंयोजक माधव नेपालले सरकारलाई दुई तिहाइको दम्भ नदेखाउन चेतावनी दिएका छन्। वीरगन्ज पुगेका नेता नेपालले सञ्चारकर्मीहरूसँग कुरा गर्दै शक्तिको अहङ्कार देखाउनेहरू पतन हुने बताए।

उनले भने, ‘सरकारको मूल्याङ्कन गर्ने त्यस्तो स्थिति छैन। तर यसो हेर्दा छवि बिग्रिँदै गएको छ। यो सरकारको बारेमा जनतामा निराशा पैदा हुँदै गएको छ। यो पार्टीप्रति जनताको विश्वास कमजोर हुँदै गइरहेको देखिन्छ। यस कुरामा पार्टीले र सरकारले समयमा विचार पुर्‍याओस्।’