आफ्नै जीवनीमा बनिरहेको चलचित्र रोक्न अदालत पुगे सलमान खान

मुम्बई । बलिउड अभिनेता सलमान खानले आफ्नो अनुमति विना आफ्नै कथामा चलचित्र ‘काला हिरन – द ब्याटल फर लिगेसी’को रिलिजको तयारी भइरहेकाले यसलाई रोक्नु पर्ने माग गरेका छन् । सलमानले सो चलचित्र रोक्नको लागि दिल्ली उच्च अदालतमा निवेदन दिएका थिए ।

सलमान खानको उजुरीमाथि दिल्ली उच्च अदालतले शुक्रवार राखेको बयान स्थगित गरेको छ । अभिनेता सलमानको मुद्दामा सो चलचित्रका निर्माता र उनका वकिलले जवाफ दिन समय मागेका कारण यसको सुनुवाइ शुक्रवार स्थगित गर्नु परेको अदालतले कारण देखाएको छ । न्यायाधीश मधु जैनको बेन्चले मुद्दाको सुनुवाइ गर्ने क्रममा सम्बन्धित चलचित्रका निर्माता र वकिलले समय माग गरेका थिए ।